Astrid Andreasen hevur sniðgivið Kæleikskúluna 2014.

Móðurkærleiki

Móðurkærleiki er framúrskarandi. Hann er treytaleysur, knappligur og ósjálvsøkin. Móðurkærleiki er mildur, heitur, stuðlandi, lønandi og stimbrandi. Hann boðar frá dygdargóðsku, eymleika, hjálp, umsorgan og nærveru. Hetta er satt. Vøkur eru tey gomlu føroysku orðtøkini: ”Heitur og hugnaligur er ein móðurandi” og "eym er ein móðurhond". Onki kann samanberast við móðurkærleika. Astrid Andreasen.

 

Um listafólkið

Astrid Andreasen, fødd í 1948, varð útbúgvin við Kerteminde Handverksskúla og við Listaliga Vísindafelagið í Aarhus, Danmark. Hon lærdi enntá til frítíðarlærara og las vísindaliga myndprýðing við Jerlesborg skúla og við Havlívfrøðiligu Starvsstovuna í Tjärnö, Svøríki.

Astrid er eitt fjøltáttað listafólk. Meginpartin av lívi sínum hevur hon arbeitt innan lívfrøði, og hon hevur teknað eina ørgrynnu av føroyskum fiskasløgum, fuglum, blómum og tara.

Hon hevur enntá myndprýtt mong frímerki og jólamerki.

Mong av hennara stóru verkum prýða almennar stovnar um landið. Har eru verk av øllum slagi, frá silki til jarntráð. Mong av hennara verkum eru enntá vovin við føroyskari ull við teimum eyðkendu føroysku bindimynstrunum.

Í 2005 gjørdi Astrid altartalvuna í Vestmanna kirkju saman við dóttrini Katrini.

Hon hevur tikið lut í mongum framsýningum bæði í Føroyum og runt um heimin.

 

Heiðurin av fyrstu kúluni

Fyrsta eintaki av Kærleikskúluni 2014 varð handað Annu Karin Kjeld. Við hesum heiðrinum vildi stýrið fyri Dugna takka henni fyri hennara áhaldandi arbeiði í felagnum fyri lesi- og skriviveik í Føroyum.

Kærleikskúlan 2014 ímyndar móðurkærleikan, ið ber boð um kærleika, fjálva, umsorgan, mildleika, eymleika, hjálp, og nærveru.

Hetta eru alt føgur orð, men tó sonn og ímynda fyri stóran part fyrimyndina, sum í ár fær fyrstu kærleikskúluna handaða, fyri sítt ótroyttiliga og áhaldandi arbeiði innan eitt øki, har tey sum koma til hana, í mongum førum eru uppgivin alla aðrastaðni á vegnum.

Hetta er nakað, sum Dugni ynskir at heiðra og vera við til at varpa ljós á.